...

SPECIALIZED SITE FOR HUMAN HEALTH CARE,
SPECIALLY ON GASTROENTEROLOGY, LIVER AND PANCREAS

కాలేయ మార్పిడి - అవ‌గాహ‌న‌


కాలేయ మార్పిడి అంటే చాలామందికి పూర్తి వివ‌రాలు తెలియ‌దు. వివిధ కార‌ణాల‌తో కాలేయం పూర్తిగా చెడిపోయిన‌ప్పుడు దానికి ప్ర‌త్యామ్నాయం అనుస‌రించాల్సి ఉంటుంది. అటువంట‌ప్పుడు పూర్తి స్థాయి ఆరోగ్య‌వంతుడు లేదా బ్రెయిన్ డెడ్ అయిన ఆరోగ్య వంతుడి శ‌రీరం నుంచి కాలేయ భాగాన్ని తీసి, రోగి శ‌రీరంలో అమ‌ర్చ‌టాన్నే కాలేయ మార్పిడి అంటారు.
దాత నుంచి కాలేయాన్ని సేక‌రించాక గ్ర‌హీత లోకి అమ‌ర్చ‌టం అన్న‌ది నిపుణులైన వైద్యుల టీమ్ మాత్ర‌మే చేయ‌గ‌లుగుతుంది. ట్రాన్సు ప్లాంటేష‌న్ స‌ర్జ‌న్‌, అనెస్థ‌టిస్టు, పెర్ ఫ్యుష‌నిస్టు, హెప‌టాల‌జిస్టు వంటి నిపుణులు ఇందులో పాలు పంచుకొంటారు. కాలేయ మార్పిడి లో వివిధ విభాగాల మ‌ధ్య స‌మ‌న్వ‌యం అవ‌స‌రం. అదే స‌మ‌యంలో స‌ద‌రు ఆస్ప‌త్రిలో అన్ని వ‌స‌తులు ఉన్న ఆప‌రేష‌న్ థియోట‌ర్‌, ఇంటెన్సివ్ కేర్ యూనిట్, బ్ల‌డ్ బ్యాంక్, స‌పోర్టివ్ ల్యాబ్ లు ఉండాలి. సుశిక్షితులైన సిబ్బంది ఉండాలి. వీట‌న్నింటిని ప‌రిగ‌ణ‌న‌లోకి తీసుకొని ఆలోచిస్తే కాలేయ మార్పిడి ఒక ఖ‌రీదైన అంశంగా చెబుతారు. కానీ భార‌త్ లో మాత్రం ఇది చౌక‌గా జ‌రుగుతుంద‌నే  చెప్పాలి.
కాలేయాన్ని గ్ర‌హీత శ‌రీరంలో అమ‌ర్చాక‌.. అది అక్క‌డ నెమ్మ‌దిగా ఇమిడిపోతుంది. ఇత‌ర అవ‌య‌వాల నుంచి సహాయం తీసుకొని కుదురుకొంటుంది. ఆ త‌ర్వాత నెమ్మ‌దిగా త‌న విధులు నిర్వ‌ర్తించ‌టం ప్రారంభిస్తుంది. ఇందుకు కొన్ని వారాల నుంచి నెల‌ల స‌మ‌యం ప‌డుతుంది. సాధారణంగా శ‌రీరంలోకి ఇత‌రుల అవ‌య‌వాలు ప్ర‌వేశిస్తే.. దేహం దాన్ని తిర‌స్క‌రిస్తుంది. ఇటువంటి ప‌రిస్థితి చోటుచేసుకోకుండా ఉండేందుకు ఇమ్యునో స‌ప్రెసివ్ మందులు వాడాల్సి ఉంటుంది. త‌క్కువ ఇమ్యూనోజెనిక్ సామ‌ర్థ్యం క‌ల అవ‌య‌వంగా కాలేయాన్ని చెబుతారు. అందుచేత ఎక్కువ కాలం ఈ మందుల్ని వాడుతున్నా..చౌక‌గానే సాధ్యం అని గుర్తించుకోవాలి. ఇటువంటి ఆప‌రేష‌న్ ల‌లో త‌ర‌చుగా వ‌చ్చే సైడ్ ఎఫెక్టు గా ఇన్ ఫెక్ష‌న్ ను చెబుతారు. అందుచేత కాలేయ మార్పిడికి ముందుగానే వైర‌ల్‌, బ్యాక్టీరియా ఇన్ ఫెక్ష‌న్ సోక‌కుండా టీకాల్ని ఉప‌యోగించాల్సి ఉంటుంది. ప్ర‌పంచ వ్యాప్తంగా చూస్తే కాలేయ మార్పిడి ఆప‌రేష‌న్ లు విజ‌య‌వంతం అవుతున్న‌ట్లుగా గ‌ణాంకాలు చెబుతున్నాయి. అయితే ఇటువంటి రోగులు ..మిగిలిన రోజుల్లో అవ‌స‌రం అయిన‌ప్పుడ‌ల్లా వైద్యుల సాయం తీసుకోవాలి.
చేతుల్ని శుభ్రపరుచుకోవటం ఎలా.. ఉపయోగాలు ఏమిటో తెలుసా..!

అర చేతుల్ని తరుచూ శుభ్రం చేసుకోవటం చాలా ముఖ్యం. సబ్బుతో కానీ, శానిటైజర్‌ తో కానీ శుభ్రం చేసుకొంటే మంచి ఫలితాలు ఉంటాయి.

వాస్తవానికి చేతులు శుభ్రం చేసుకోవటం మీద మెడికల్ పరిశోధనలు జరిగాయి. మొదటగా చేతుల్ని నీటితో తడి చేసుకోవాలి. తరువాత సబ్బు బాగా పట్టించాలి. అప్పుడు రెండు చేతుల్ని బాగా రుద్దుకోవాలి. తర్వాత కొద్దిగా నీటిని పోసుకొని బాగా నురుగు వచ్చేలా రుద్దుకోవాలి. ముఖ్యంగా వేళ్ల చివరల్లో, అర చేతుల్లో బాగా రుద్దుకోవాలి. తరువాత నురుగు మొత్తం వదిలేట్లుగా నీటితో కడిగేసుకోవాలి. తరువాత శుభ్రమైన పొడి గుడ్డతో తుడుచుకోవాలి.

చేతుల్ని ఎప్పుడెప్పుడు శుభ్రం చేసుకోవాలంటే...
1) భోజనానికి ముందు
2) మల విసర్జన తరువాత
3) వంట చేసేటప్పుడు
4) పిల్లలకు డైపర్‌ మార్చినప్పుడు
5) రోగులకు సపర్యలు చేసినప్పుడు

చేతుల్ని శుభ్రం చేసుకోవటం వల్ల ప్రయోజనాలు...
అర చేతుల్ని వందల సంఖ్యలో సూక్ష్మ జీవులు ఆశ్రయించుకొని ఉంటాయి. వీటిని సబ్బుతో రుద్దటం ద్వారా వదిలించుకొనేందుకు వీలవుతుంది. అప్పుడు వివిధ పనులు చేసుకొన్నప్పుడు ఆరోగ్యకరంగా సాగించగలుగుతాం. 

చరిత్ర లో ఈ రోజుకి చాలా ప్రత్యేకత ఉంది తెలుసా..!

హెపటైటిస్‌ డే 2017..! 
ప్రపంచ ఆరోగ్య సంస్థ జూలై 28 న హెపటైటిస్‌ డే గా ప్రకటించటం జరిగింది. హెపటైటిస్‌ ను తరిమి కొట్టేందుకు అవగాహన కల్పించాలని పిలుపు ఇచ్చింది. ప్రమాద కరమైన సమస్యల్లో ఒకటిగా గుర్తించి అరికట్టేందుకు చర్యలు చేపట్టింది. 

ఇందులో ఐదుర‌కాల వైర‌స్ ల‌ను గుర్తించ‌వ‌చ్చు. హెప‌టైటిస్ ఏబీసీడీఈ అనే వైర‌స్ ల కార‌ణంగాకామెర్లు సోకుతాయి. వీటిలో హెప‌టైటిస్ ఏఈ అనే వైర‌స్ లు క‌లుషిత ఆహారంక‌లుషిత నీటి ద్వారా ఒక‌రి నుంచి ఒక‌రికి సోకుతాయి. ఎక్కువ‌మంది లో ఈ వైర‌స్ ఎక్కువగా హాని క‌ల్గించ‌క పోవ‌చ్చు. హెప‌టైటిస్ బీసీ అనే వైర‌స్ లు మాత్రం క‌లుషిత లాలాజ‌లంక‌లుషిత ర‌క్తంక‌లుషిత వీర్యం ద్వారా ఒక‌రి నుంచి ఒక‌రికి సంక్రమిస్తుంది. ఈ వైర‌స్ లు మాత్రం కాలేయానికి తీవ్రమైన హాని క‌ల్గిస్తాయి.
సుదీర్ఘకాలం పాటు ఆల్కహాల్ ను ఎక్కువ‌గా తీసుకొంటుంటే కాలేయ పాడ‌వ‌టం ఖాయం.మొద‌ట్లో కాలేయ క‌ణాల స్థానంలో కొవ్వుక‌ణాలు పోగుప‌డి త‌ర్వాత కాలంలో ఇవే స్థిర‌ప‌డ‌తాయి. వాస్తవానికి మ‌ద్యం ఎంత వ‌ర‌కు తాగ‌వ‌చ్చు అనే ప‌రిమితి చెప్పటం క‌ష్టం. ఇది ఒక్కో వ్యక్తిలో ఒక్కోలా ఉండ‌వ‌చ్చు. అందుచేత మ‌ద్యం తాగ‌టం అనేది హానిక‌రం అని గుర్తుంచుకోవాలి. 
సమస్య తొలుత దశలో మందులతో పరిష్కారం సాధ్యం అవుతుంది. ముదిరిన దశలో మాత్రం  ఆపరేషన్‌ విధానాలు అవసరం అవుతాయి. 
ఆరోగ్యకరమైన అలవాట్లు, సక్రమమైన జీవన శైలిని పాటించటం ద్వారా ఈ సమస్యను అరికట్ట వచ్చు. 

కాలేయ సంరక్షణ మన చేతుల్లోనే ఉంది తెలుసా..!

సాధారణంగా ఆరోగ్య పరిరక్షణ మన చేతుల్లోనే ఉందని మనందరికీ తెలుసు. ముఖ్యంగా శరీరంలో అనేక ముఖ్య విధుల్నినిర్వర్తించే కాలేయ పరిరక్షణ కూడా మన అలవాట్లతో నిర్దేశించుకోవచ్చు.

కాలేయం అన్నది జీర్ణ వ్యవస్థ తో పాటు అనేక ముఖ్య వ్యవస్థలతో అనుసంధానం అయి ఉంటుంది. అయితే తీసుకొనే ఆహారంలోని కొవ్వు పదార్థాలు కాలేయాన్ని చేరటం సహజం. ఈ క్రమంలో చెడు అలవాట్లకు బానిస అయితే అటువంటి పదార్థాలు కూడా కాలేయాన్ని చేరిపోతాయి. ముఖ్యంగా మద్యానికి బానిస అయిన వారిని చూసినప్పుడు అందులోని విష పదార్థాలు ఎక్కువగా కాలేయంలోనే పోగు పడతాయి. అందుచేత అంతిమంగా కాలేయం పాడవటం చూస్తుంటాం.

అందుచేత చెడు అలవాట్లకు ముఖ్యంగా మద్యపాానానికి దూరంగా ఉంటే ఆరోగ్యాన్ని పరిరక్షించుకోవచ్చు. ఇటువంటి విషయాలు జాగ్రత్తగా గమనించుకోవం మేలు. 
కాలేయ మార్పిడి..అవ‌గాహ‌న‌
జీర్ణ వ్య‌వ‌స్థ లో కాలేయం ఒక ముఖ్య‌మైన అవ‌య‌వం. జీర్ణాశ‌యానికి కుడివైపున ఇది అమ‌రి ఉంటుంది. ఇది ఆహారాన్ని జీర్ణం చేయ‌టంలో కీల‌క‌పాత్ర పోషించ‌టంతో పాటు ప్రోటీన్ సంశ్లేష‌ణ‌, ఔష‌ద వినియోగం, మ‌లినాల విస‌ర్జ‌న వంటి అనేక జీవ‌న క్రియ‌ల్లో ఉప‌యోగ‌ప‌డుతుంది.
అనేక సార్లు కాలేయం చెడిపోవటంతో దాన్ని పూర్తిగా మార్చాల్సి వస్తోంది. అందుచేత కాలేయాన్ని సేకరించి అమర్చాల్సి ఉంటుంది. దీన్ని కాలేయ మార్పిడి అంటారు. 

కాలేయాన్ని గ్ర‌హీత శ‌రీరంలో అమ‌ర్చాక‌.. అది అక్క‌డ నెమ్మ‌దిగా ఇమిడిపోతుంది. ఇత‌ర అవ‌య‌వాల నుంచి సహాయం తీసుకొని కుదురుకొంటుంది. ఆ త‌ర్వాత నెమ్మ‌దిగా త‌న విధులు నిర్వ‌ర్తించ‌టం ప్రారంభిస్తుంది. ఇందుకు కొన్ని వారాల నుంచి నెల‌ల స‌మ‌యం ప‌డుతుంది. సాధారణంగా శ‌రీరంలోకి ఇత‌రుల అవ‌య‌వాలు ప్ర‌వేశిస్తే.. దేహం దాన్ని తిర‌స్క‌రిస్తుంది. ఇటువంటి ప‌రిస్థితి చోటుచేసుకోకుండా ఉండేందుకు ఇమ్యునో స‌ప్రెసివ్ మందులు వాడాల్సి ఉంటుంది. త‌క్కువ ఇమ్యూనోజెనిక్ సామ‌ర్థ్యం క‌ల అవ‌య‌వంగా కాలేయాన్ని చెబుతారు. అందుచేత ఎక్కువ కాలం ఈ మందుల్ని వాడుతున్నా..చౌక‌గానే సాధ్యం అని గుర్తించుకోవాలి. ఇటువంటి ఆప‌రేష‌న్ ల‌లో త‌ర‌చుగా వ‌చ్చే సైడ్ ఎఫెక్టు గా ఇన్ ఫెక్ష‌న్ ను చెబుతారు. అందుచేత కాలేయ మార్పిడికి ముందుగానే వైర‌ల్‌, బ్యాక్టీరియా ఇన్ ఫెక్ష‌న్ సోక‌కుండా టీకాల్ని ఉప‌యోగించాల్సి ఉంటుంది. ప్ర‌పంచ వ్యాప్తంగా చూస్తే కాలేయ మార్పిడి ఆప‌రేష‌న్ లు విజ‌య‌వంతం అవుతున్న‌ట్లుగా గ‌ణాంకాలు చెబుతున్నాయి. అయితే ఇటువంటి రోగులు ..మిగిలిన రోజుల్లో అవ‌స‌రం అయిన‌ప్పుడ‌ల్లా వైద్యుల సాయం తీసుకోవాలి.
మొత్తం మీద కాలేయ మార్పిడికి సంబంధించిన అవ‌గాహ‌న స‌మాజంలో బాగా పెర‌గాల్సి ఉంటుంది. కాలేయ వ్యాధుల చికిత్స‌లో అనేక మెడిక‌ల్‌, స‌ర్జిక‌ల్ విధానాలు ఉన్నాయ‌ని గుర్తించాలి. వీటిలో కాలేయ మార్పిడి కీల‌క‌మైంద‌ని తెలుసుకోవాలి. దీనిప‌ట్ల అపోహ‌లు తొల‌గించాల్సి ఉంది. మ‌ర‌ణం త‌ర్వాత అవ‌య‌వాలు దానం చేసే క‌ల్చ‌ర్ పెర‌గాలి. ఇందుకు స్వ‌చ్ఛందంగా ముందుకు రావాలి. అదే స‌మ‌యంలో స‌రైన చ‌ట్టాలు చేయ‌టం ద్వారా ప్ర‌భుత్వాలు కూడా అనుమతించాలి. సుదీర్ఘ రోగాల్ని న‌యం చేసే క్ర‌మంలో అవ‌య‌వ మార్పిడి అనేది ఒక స‌మర్థ‌వంత మైన విధానంగా ప్రాచుర్యంలోకి తీసుకొని రావాలి.

ఈ సమయంలో కాస్త రాళ్లు వెనకేసుకొంటే కొంప మునుగుతుంది.

ఆధునిక కాలంలో అనేక అంశాలు మారిపోతున్నాయి. ముఖ్యంగా జీవన శైలి బాగా మారుతోంది. కూర్చొన్న చోట నుంచి కదలకుండానే అన్నీ అమరిపోతుండటం చాాలా మార్పుల్ని తెచ్చిపెడుతోంది. అందులో ఏర్పడిన ముఖ్య సమస్యే ఇది.

జీర్ణ వ్యవస్థలో రాళ్లు ఏర్పడతాయి అంటే చాలామందికి అతిశయోక్తిగా అనిపిస్తుంది. కానీ, అనేక సంద‌ర్భాల్లో జీర్ణ వ్య‌వ‌స్థ‌లోని కొన్ని భాగాల్లో రాళ్లు ఏర్ప‌డుతుంటాయి. ఇటువంటి సంద‌ర్బాల్లో కూడా క‌డుపు నొప్పి వంటి అనేక స‌మ‌స్య‌లు ఏర్ప‌డుతుంటాయి. ఈ స‌మ‌స్య‌ను శాస్త్రీయంగా గుర్తించి చికిత్స అందిస్తేనే రోగికి ఉప‌శ‌మ‌నం క‌లుగుతుంది. జీర్ణ వ్య‌వ‌స్థ లో కాలేయం నుంచి విడుద‌ల అయ్యే పైత్య ర‌సం(బైల్ జ్యూస్) లో బైలి రూబిన్‌, బైలి విరిడిన్ అనే వ‌ర్ణ‌కాలు ఉంటాయి. ఇవి పేరుకొని పోయిన‌ప్పుడు లేక కొలెస్ట‌రాల్ నిలిచి పోయిన‌ప్పుడు ఈ ద్రవ ప‌దార్థాలు గ‌ట్టి ప‌డి రాళ్లుగా మార‌తాయి. ఈ రాళ్లు కొలెస్ట‌రాల్ కార‌ణంగా ఏర్ప‌డితే ప‌సుపు, ఆకుప‌చ్చ రంగుల్లో, బైలిరూబిన్ కార‌ణంగా ఏర్ప‌డితే బూడిద రంగులో ఉండ‌వ‌చ్చు. వీటితో పాటు మ‌ద్యం ఎక్కువ‌గా తాగ‌టం కార‌ణంగా లేక క్రిముల ఇన్ ఫెక్ష‌న్ కారణంగా కూడా రాళ్లు ఏర్ప‌డ‌వ‌చ్చు.

సాధార‌ణంగా కాలేయం నుంచి విడుద‌ల అయిన పైత్య‌ర‌సం (బైల్ జ్యూస్‌) బైల్ గొట్టాలు అనే నాళాల ద్వారా బ‌య‌ట‌కు వ‌స్తుంది. ఈ క్ర‌మంలో గాల్ బ్లాడ‌ర్ అనే చిన్న‌సంచీలో తాత్కాలికంగా నిల్వ ఉంటుంది. ఆ త‌ర్వాత పేగులో ప్ర‌వేశిస్తుంది. బైల్ జ్యూస్ ప్ర‌వ‌హించే ఈ మార్గాల్లో ఎక్క‌డైనా రాళ్లు ఏర్ప‌డే అవ‌కాశం ఉంటుంది. అంటే బైల్ గొట్టాల్లో కానీ, గాల్ బ్లాడ‌ర్ లో కానీ చూడ‌వ‌చ్చు. కొన్ని సందర్బాల్లో కాలేయంలోనే రాళ్లు ఏర్ప‌డుతుంటాయి. వీటితో పాటు జీర్ణ వ్య‌వ‌స్థ‌లోని మ‌రో అనుబంధ గ్రంథి అయిన పాన్ క్రియాస్ లో రాళ్లు ఏర్ప‌డుతుంటాయి. క్రానిక్ పాన్ క్రియాటైటిస్ తో బాద‌ప‌డుతున్న‌ప్పుడు ఇలా జ‌రుగుతుంటుంది. కాల్సియం వంటి ల‌వ‌ణాలు బాగా పేరుకొని పోయిన‌ప్పుడు రాళ్లు ఏర్ప‌డ‌తాయి. చిన్న వయస్సులో కూడా ముఖ్యంగా పాన్‌ క్రియాస్‌ గ్రంథిలో కొన్ని రకాల ఆహార లోపాల మూలంగా కానీ, కొన్ని జన్యుపరమైన మార్పుల మూలంగా కానీ రాళ్లు ఏర్పడవచ్చు. దీనిని ట్రాపికల్‌ పాన్‌ క్రియాటైటిస్ అని పిలుస్తారు.
స‌రైన జీవ‌న‌శైలి లేక‌పోవ‌టం, ముఖ్యంగా ఆహార నియ‌మాలు పాటించ‌క పోవ‌టం, మ‌ద్య‌పానం వంటి దుర‌ల‌వాట్లు ఈ రాళ్లు ఏర్ప‌డ‌టానికి కార‌ణం అవుతుంటాయి. కొవ్వులు ఎక్కువ‌గా ఉండే ఆహారాన్ని తీసుకోవ‌టం లేక ఊబ‌కాయం కార‌ణంగా శ‌రీరంలో కొలెస్ట‌రాల్ ఎక్కువ అవ‌టంతో రాళ్లు ఏర్ప‌డుతుంటాయి. బ‌రువు త‌గ్గిపోతున్న సంద‌ర్భంలో కూడా ఇదే ప‌రిస్థితి త‌లెత్తుతుంది. జీర్ణ వ్య‌వ‌స్థ‌లో స‌మ‌స్య‌లు ఉన్న‌ప్పుడు, క్రిముల కార‌ణంగా ఇన్ ఫెక్ష‌న్ ఏర్ప‌డినా కూడా రాళ్లు ఏర్ప‌డ‌వ‌చ్చు. పెద్దవారిలో రాళ్లు ఏర్ప‌డితే త‌ర్వాత త‌రంలో కూడా ఈ స‌మ‌స్య ఏర్ప‌డ‌టానికి అవ‌కాశం ఉంటుంది. మ‌ధుమేహ రోగుల‌కు ఈ ప్ర‌మాదం కాస్త ఎక్కువ అని చెప్ప‌వ‌చ్చు.
అందుచేత రాళ్లు చేరినప్పుడు అలాగే వదిలేయటం సరికాదు. సరైన వైద్య చికిత్స చేయించుకోవటం మేలు. 

కాలేయ సంరక్షణ.. మీ చేతుల్లో..!

మానవ శరీరంలో అతి ముఖ్యమైన భాగం కాలేయం. దాదాపు 500 కు పైగా జీవన క్రియల్లో ఇది  పాలు పంచుకొంటుంది. ప్రధానంగా జీర్ణ వ్యవకస్థలో చురుకైన పాత్ర పోషిస్తుంది.
అయితే కాలేయాన్ని సంరక్షించుకోవటం అన్నది మన చేతుల్లోనే ఉన్నది. ముఖ్యంగా ఆహార నియమాలు, అంతకు మించి ఆరోగ్యకరమైన అలవాట్లు అని గుర్తించుకోవాలి.


ఆధునిక కాలంలో మద్యం తాగటం అన్నది ఫ్యాషన్ గా మారుతోంది. ఈ తాగుడుకి బానిస అయినవారిలో విష పదార్థాలు పోగు పడతాయి. ఇవి క్రమంగా కాలేయాన్ని చేరి అక్కడ తిష్ట వేస్తాయి. పేరుకు తగినట్లుగానే ఈ చెడు పదార్థాలు క్రమ క్రమంగా సజీవ కణజాలాన్ని తినేస్తుంటాయి. దీంతో కాలేయం పాడై పోయి సిర్రోసిస్ లేదా క్యాన్సర్ వంటి పరిస్థితికి దారి తీస్తుంది.

అందుకే కాలేయాన్ని సంరక్షించుకోవటంలో ఆహారపు అలవాట్లు, ఆరోగ్యకరమైన అలవాట్లు ప్రధానం అని గుర్తించుకోవాలి. మద్యం తాగటం అన్నది ఎప్పటికైనా ప్రమాదకరమైన అలవాటుగా భావించాలి. అందుచేత మద్యం కు దూరంగా ఉండటం మేలు. అంతే గాకుండా భారత్ వంటి సాంప్రదాయిక సమాాజాల్లో కుటుంబంలోని పెద్దలు ఏ పనిచేస్తుంటే, పిల్లలు వాటిని అనుసరిస్తుంటారు. అందుచేత పెద్దలకు మద్యం తాగే అలవాటు ఉంటే అది  క్రమంగా పిల్లలకు సంక్రమిస్తుంది. దీంతో తర తరాలుగా అనారోగ్యం బారిన పడే అవకాశం ఉంది.