...

SPECIALIZED SITE FOR HUMAN HEALTH CARE,
SPECIALLY ON GASTROENTEROLOGY, LIVER AND PANCREAS

అదే అల‌వాటు ఇప్పుడు కొంప ముంచుతోందా..!

అల‌వాటు అనేది మొద‌ల‌వ్వాలే కానీ, త‌ర్వాత కాలంలో దాన్ని వ‌ద‌లుకోవ‌టం క‌ష్టమే. అల‌వాట్లు అంటే రెండు ర‌కాలు. మంచి ప‌నులు చేయ‌టం ఒక ర‌కం అయితే, చెడు ప‌నుల బాట ప‌ట్టడం మ‌రో ర‌కం. మొద‌టి కేట‌గిరీ తో స‌మ‌స్యలేదు కానీ, రెండో కేట‌గిరీ తో మాత్రం ఇబ్బంది త‌ప్పదు. చెడు అల‌వాట్లు అంటే పొగ తాగ‌టం, మ‌ద్యం తాగ‌టం, గుట్కా వంటి అల‌వాట్లుగా అంతా చెబుతారు. ఇందులో మ‌ద్యం తాగే అల‌వాటు తో వ‌చ్చే అన‌ర్థాలు గ‌త పోస్ట్ లో చూశాం. ముఖ్యంగా కాలేయానికి వ‌చ్చే అన‌ర్థం ఏమిటో ఇప్పుడు చూద్దాం..

కాలేయం అంటే శ‌రీరంలోని అత్యంత ప్రధాన‌మైన అవ‌య‌వాల్లో ఒక‌టి. ఆహారం జీర్ణం కావ‌టంలో, ర‌క్త ప్రస‌ర‌ణ ప్రక్రియలో ముఖ్య పాత్ర పోషిస్తుంది. మ‌ద్యం అతిగా సేవించ‌టం తో పాటు, రోజు క్రమం త‌ప్పకుండా మ‌ద్యం తాగ‌టం వ‌ల్ల అనేక అన‌ర్థాలు ఏర్పడుతాయి. మ‌ద్యం తాగ‌టం వ‌ల్ల కొన్ని రాడిక‌ల్స్ త‌యారుఅవుతాయి. ఇవి నేరుగా కాలేయ క‌ణాలు నాశ‌నం చేసి చెడు క‌లిగిస్తాయి. ఈ చెడు ప్రభావాన్ని మూడు ర‌కాలుగా గుర్తించ‌వ‌చ్చు. 1. ఫాటీ క‌ణాలు రూపుదిద్దుకోవటం.. కాలేయం లో కొవ్వుల సంశ్లేష‌ణ నిలిచి పోతుంది. మ‌ద్యం తాగే అల‌వాటుతో కొవ్వు సంబంధిత ప‌దార్థాలు పేరుకుపోయి కాలేయం ప‌ని తీరు లో ఇబ్బంది ఏర్పడుతుంది. దీంతో కాలేయం ఉనికిని కోల్పోతుంది.
2. ఆల్కహాలిక్ హెప‌టైటిస్.. కామెర్లు అనే సాధార‌ణ ప‌దంతో పిల్చుకొన్నప్పటికీ.. మ‌ద్యం తాగే వారికి తలెత్తే కామెర్లు ప్రమాద‌క‌ర‌మైన‌వి. కాలేయం నుంచి విడుద‌ల అయ్యే స్రావ‌కాల ఉత్పత్తి త‌గ్గి పోతుంది. దీంతో కాలేయ విధులు నిలిచిపోతాయి. ఫ‌లితంగా విష ప‌దార్థాలు పేరుకొనే అవ‌కాశం ఉంది.
3. సిర్రోసిస్.. కాలేయం లో అన‌ర్థ కార‌క ప‌దార్థాలు పేరుకొన్నప్పుడు కాలేయ‌వాహిక మూసుకొని పోయే ప‌రిస్థితి ఏర్పడుతుంది. దీంతో సిర్రోసిస్ రూపం దాలుస్తుంది. ఒక్క మాట‌లో చెప్పాలంటే కాలేయం క్రమంగా ప‌ని చేయ‌ని స్థితికి చేరిపోతుంది. అంతిమంగా కాలేయం చెడిపోయింది అని చెప్పాల్సి వ‌స్తుంది.

మొద‌ట‌గా ఫాటీ క‌ణాలు రూపు దిద్దుకొని, త‌ర్వాత కామెర్ల లోకి మారి, చివ‌రగా సిర్రోసిస్ రూపం దాల్చ వ‌చ్చు. ఏ క్రమంలో జ‌రిగినా ఫ‌లితం మాత్రం విషాదాంతం అనుకోవ‌చ్చు. వాస్తవానికి మ‌ద్యం లో ఉండే ఆల్కహాల్ ప‌దార్ధం ఆక్సీక‌ర‌ణ ప్రక్రియ ద్వారా అసిటాల్డిహైడ్ అనే ప‌దార్థంగా మారుస్తుంది. ఇది శ‌రీరంలో విష ప్రభావం చూపే కెమిక‌ల్‌. అందుచేత ఆల్కహాల్ ఎంత మోతాదు లో తీసుకొన్నా కానీ చేటు త‌ప్పద‌ని గుర్తుంచుకోవాలి. ఈ అల‌వాటు ఎప్పటికైనా కొంప ముంచుతుంద‌ని తెలుసుకోవాలి.

అస‌లు ఆ చిత్రానికి అంత సీనుందా..!

స‌మాజంలోచిత్రం భ‌లే ప్రభావం చూపుతుంది. ఎందుకంటే దృశ్య మాధ్యమం చాలా ప్రభావం శీలి. అటువంట‌ప్పుడు ఒక చిత్రం ద్వారా ఎన్నో విష‌యాల్ని పంపించ‌వ‌చ్చు. ఆ చిత్రాన్ని ఉప‌యోగించుకొనే తీరులోనే ఎంతో గ‌మ్మతు ఉంది. దాన్ని అర్థం చేసుకొంటే భ‌లే విష‌యాలు బోధ ప‌డ‌తాయి. ఇంత‌కీ ఈ చిత్రాన్ని చూస్తే మీకు అంతా అర్థం అవుతుంది.

ఇటీవ‌ల కాలంలో పాశ్చాత్య దేశాల్లో ఈ చిత్రం బాగా ప్రాచుర్యం పొందింది. మ‌ద్యం తాగ‌టం వ‌ల్ల వ‌చ్చే అన‌ర్థాల్ని ఒక్క చిత్రం ద్వారా చెప్పే ప్రయ‌త్నం ఇది. జాగ్రత్తగా గ‌మ‌నిస్తే...  డ‌జ‌నుకి పైగా శ‌రీరావ‌యవాలు మ‌ద్యం కార‌ణంగా ఎఫెక్ట్ అవుతాయి. తాగుడు ఎక్కువైతే మెద‌డు మొద్దుబారుతుంది. అక్కడ స‌రైన నిర్ణయాలు లేకుండా పోతాయి. కంటి చూపుకి కూడా ఇబ్బంది త‌ప్పదు. మాట త‌డ‌బాటుతో మ‌ద్యం అలవాటు బ‌య‌ట‌కు పొక్కుతుంది. ఇదంతా జ‌న‌ర‌ల్ గా జ‌రిగిపోయేవి. కానీ గొంతు, శ్వాస నాళాల్లో ఇన్ ఫెక్షన్ సోకుతుంది. దీంతో వ్యాధి తీవ్రత పెరుగుతుంది. ర‌క్తంలో విష‌తుల్యత పెరిగి గుండె మీద ప్రభావం చూపుతుంది. క‌డుపులో అల్సర్ లు ఏర్పడుతాయి. శ‌రీరంలోని ప్రధాన‌మైన అవ‌య‌వంగా చెప్పుకొనే కాలేయం లో అనేక అన‌ర్థాలు ఏర్పడుతాయి.(మ‌ద్యంతో కాలేయం లో ఏర్పడే అన‌ర్ధాల్ని వేరే పోస్ట్ లో చూద్దాం.) కండ‌రాల బ‌ల‌హీన‌త, ఎముక‌ల్లో ఆస్టియోపోరోసిస్ వంటి దుష్ఫలితాలు క‌నిపిస్తాయి. జీర్ణనాళాల్లో అల్సర్స్, క్యాన్సర్ ఏర్పడ‌వ‌చ్చు. వంధ్యత్వానికి కూడా దారితీయ‌వ‌చ్చని తాజా ఫ‌లితాలు చెబుతున్నాయి.

ఇన్ని చెడు ఫ‌లితాలు క‌లిగించే మ‌ద్యాన్ని తాగ‌టం ఎంత వ‌ర‌కు స‌బ‌బు అనేది ఎవ‌రికి వారు నిర్ణయించుకోవాలి. మ‌ద్యపానానికి దూరంగా ఉంటే అన్ని అవ‌య‌వాలకు మంచిది. లేదంటే అన్ని భాగాల‌కు అన‌ర్థమే. ఇన్ని విషయాల్ని ఒక్క చిత్రం లో చూపించ‌టం గొప్పత‌న‌మే క‌దా. అందుచేత ఈ చిత్రానికి అంత సీన్ ఉందా అన్న అప‌న‌మ్మక‌మే అవ‌స‌రం లేదు. ఇది నిజంగానే వండ‌ర్‌ఫుల్ చిత్రం..!

స‌రిగ్గా ఇక్కడే మోస‌పోతారు... జాగ్రత్త!


మోసం చేయ‌టం ఎదుటి వారి టాలంట్ మీద ఆధార ప‌డి ఉంటుంది.కానీ, మోస పోవటం మాత్రం మ‌న చేత‌కానిత‌నం మీద ఆధార‌ప‌డి ఉంటుంది. చాలా సార్లు ఇది రుజువైన వాస్తవం. ఇక‌, మ‌న పాయింట్ కు వ‌స్తే.. ఇటీవ‌ల కాలంలో బ‌య‌ట‌కు వెళ్లి ఫుడ్ తిన‌టం కామ‌న్ గా మారింది. వీకెండ్స్ లో కానీ, ప్రత్యేక సంద‌ర్భాల్లో కానీ కుటుంబంతో క‌లిసి హోట‌ల్ కు వెళ్తుంటాం. బ‌య‌ట న‌గ‌రాల‌కు వెళ్లిన‌ప్పుడు త‌ప్పనిస‌రిగా బ‌య‌ట ఫుడ్ మీద ఆధార‌ప‌డాల్సి వ‌స్తుంది. ఇటువంట‌ప్పుడు మాత్రం జాగ్రత్తగా ఉండాల్సిందే.

చాలా సంద‌ర్భాల్లో డాబుగా, అందంగా తీర్చిదిద్దిన డైనింగ్ రూమ్ ఉన్న హోట‌ల్ ను ప్రిఫ‌ర్ చేస్తాం. టిక్ టాప్ గా త‌యారైన వెయిట‌ర్లు, లైటింగ్ కాంతుల‌తో మెరిసిపోయే టేబుల్స్ ఉంటే సంతోషిస్తాం. కానీ, అంత‌కన్నా ముఖ్యంగా చూడ‌వ‌ల‌సిన‌ది ఒక‌టి ఉంది. అదేమిటంటే కిచెన్ రూమ్ ప‌రిస్థితి. న‌గ‌రాల్లో వంట‌గ‌దిని చూసే అవ‌కాశం హోట‌ల్ యాజ‌మాన్యం ఇవ్వనే ఇవ్వదు. అనేక ప్రముఖ హోట‌ల్స్ సైతం డైనింగ్ రూమ్ ను బ్రహ్మాండంగా అలంక‌రిస్తాయి త‌ప్పితే, వంట గ‌ది ని చాలా అధ్వానంగా ఉంచుతాయి. ఏదో నూటికి ఒక్కసారి వెళ్లేప్పుడు సంగ‌తి కానీ, పొరుగూరిలో పరిస్థితి కానీ.. ప‌క్కన పెడితే సొంత ఊర్లో రెగ్యుల‌ర్ గా వెళ్లేప్పుడు మాత్రం ఈ విష‌యాన్ని త‌ప్పనిస‌రిగా చెక్ చూసుకోవాలి. అప‌రిశుభ్ర ప‌రిస్థితుల్లో వంట చేసిన‌ప్పుడు ఆ ఆహారంలో సూక్ష్మ క్రిములు క‌లిసి పోతాయి. వీటిని తీసుకొన్నప్పుడు కొన్నిసార్లు వెంట‌నే ప్రభావం చూపుతాయి. మ‌రికొన్ని సార్లు ఈ ఫుడ్ లోప‌ల దాగి ఉన్న క్రిములు కాస్త రెస్ట్ తీసుకొని ఆ త‌ర్వాత విజృంభిస్తాయి. అంతిమంగా అనారోగ్యం పాల‌వ్వాల్సి ఉంటుంది.

జ‌న‌ర‌ల్ గా ఫుడ్ ఆర్డర్ చేసేట‌ప్పుడు వెయిట‌ర్ ఒపీనియ‌న్ తీసుకొన‌టం అల‌వాటు. చాలాసార్లు అక్కడ రెడీగా ఫుడ్ ను వెయిట‌ర్ చెప్పేస్తుంటారు. దాన్ని ఫాలో అవ‌కుండా మ‌నం ఏది తిన‌ద‌ల‌చుకొన్నామో ఆలోచించుకొని ఆర్డర్ చేయ‌టం మేలు. మ‌నం ఏది ఇష్ట ప‌డ‌తామో, అంత‌కు మించి ప‌రిశుభ్రంగా ఉండే ఆహారం ఏమిటో వెద‌క్కొని ఫుడ్ తీసుకోవటం మేలు. అప్పుడే ఎదుటివారి చేతిలోమోస‌పోకుండా ఉండ‌గ‌లుగుతాం.

అవార్డు ఎలా ద‌క్కిన‌ట్లు..! స‌మ‌ర్థించుకొనే కార‌ణాలు క‌రెక్టేనా..!


స‌డెన్ గా ఈ అవార్డుల హ‌డావుడి ఏమిటి.. అన్న ప్రశ్న రావ‌చ్చు. కానీ, ఈ విష‌యాన్ని అంత‌టితో వ‌దిలేయ‌ట‌మూ స‌రి కాదు. ఎందుచేత‌నంటే అవార్డులు అంటే ప్రోత్సాహ‌కాలు అని అంతా భావిస్తారు. అటువంట‌ప్పుడు అవార్డులు ద‌క్కిన సంద‌ర్భాన్ని, స‌హేతుక కార‌ణాన్ని అంతా తెలుసుకోవ‌టం మేలు. అప్పుడే అవార్డుల గురించి పూర్తిగా వివ‌ర‌ణ ల‌భిస్తుంది..
మ‌ద్యం తాగ‌టాన్ని ఇప్పటి త‌రం చాలా కామ‌న్‌గా తీసుకొంటున్నారు. దీన్నిస‌మ‌ర్థించుకొనేందుకు కొన్ని కార‌ణాలు రెడీ గా ఉంచుకొంటారు. ఇప్పుడు ఆ కార‌ణాలు చూద్దాం.

1. త‌క్కువ మోతాదులో తీసుకొంటే ఏమీ కాదు.. ఇది స‌రైన‌ది కాదు. త‌క్కువ అనే దానికి కొల‌బ‌ద్ద లేదు. శ‌రీరానికి మ‌ద్యం తాగ‌టం అల‌వాటైతే దానికి క‌ళ్లెం వేయ‌టం క‌ష్టం అవుతుంది. కొద్ది గా తాగ‌టం మొద‌లెట్టి త‌ర్వాత విజృంభించిన వారు ఉన్నారు.
2. తండ్రి, తాత‌లు బాగా తాగేవారు, వాళ్లకు ఏమీ కాలేదు కాబ‌ట్టి మాకూ ఏమీ కాద‌నే వాద‌న‌.. ఇందులో నిజం లేదు. ఎందుకంటే శ‌రీరంలో మ‌ద్యం ప్రవేశించాక జ‌ర‌గాల్సిన అన‌ర్థం జ‌రుగుతునే ఉంటుంది. బ‌హుశా పెద్దల్లో వారి శారీర‌క ప‌టిష్టత రీత్యా అన‌ర్థాలు బ‌య‌ట ప‌డి ఉండ‌క పోవ‌చ్చు కానీ ఇబ్బందులు మాత్రం త‌ప్పదు. ఆల్కహాలిక్ డీ హైడ్రోజినేజ్ ఎంజైమ్‌ల స్రావ‌కం తో పెద్దగా అనర్థం లేకుండా ఉండ‌వ‌చ్చు.
3. వైన్ తాగితే మేలు.. మ‌ద్యం ఏ రూపంలో తీసుకొన్నా అన‌ర్థమే. వైన్ తాగ‌టం తో కొన్ని మార్గాల్లో లాభ‌సాటి కావచ్చు. కానీ, మొత్తంగా ఆలోచిస్తే మాత్రం శ‌రీరానికి స‌మ‌స్యలు త‌ప్పవు.
4. వీకెండ్ పార్టీల్లోనే తాగుతుంటాం.. ఇది కూడా స‌రైన వాద‌న కాదు. వీకెండ్ ఫార్టీలు, వీక్ డెస్ సిట్టింగ్‌లు అన్నవి మన ఆలోచ‌న‌ల‌కు తెలిసిన‌వి. కానీ శ‌రీరం అనేది ఒక బ‌యో కెమిక‌ల్ స‌మ్మేళ‌నం. దీనికి ఈ వాద‌న‌లు అప్లయ్ కావు. మ‌ద్యం ఎప్పుడు తీసుకొన్నా డామేజీ జ‌రిగిపోతుంది.
ఇన్ని కార‌ణాలు చూసిన త‌ర్వాత మ‌ద్యం తాగ‌టానికి పూర్తిగా దూరంగా ఉండ‌టం ఒక్కటే స‌రైన విధానం అన్న సంగ‌తి అర్థం అవుతుంది. స‌మ‌ర్థించుకొనే కార‌ణాలు ఎలా ఉన్నా... అంతిమంగా ఆలోచించాల్సిన సూత్రం అదే. మ‌ద్యానికి దూరంగా ఉంటే కుటుంబ స‌భ్యుల మ‌న్నన‌లు పొంద‌వ‌చ్చు. కుటుంబ స‌భ్యుల మ‌న్నన‌ల్ని మించిన అవార్డు ఉంటుందా...!

పిల్లలు చూడ‌కూడ‌ని చిత్రం..!


ఇల్లు.. ఇల్లాలు... పిల్లలు.. ఇదే క‌దా కుటుంబం అంటే. అన్ని విష‌యాలు కుటుంబ స‌భ్యుల‌తో చ‌ర్చించ‌టం అన్నది మంచి అల‌వాటు. అయితే పిల్లలు ఉన్నఇంట్లో మాత్రం కొన్ని విష‌యాల్లో జాగ్రత్త తీసుకోవాలి. మంచి విష‌యాలు పిల్లల ముందు చ‌ర్చించ‌టం వ‌ర‌కు ఫ‌ర్వాలేదు కానీ, చెడు అంశాల్ని మాత్రం దూరం పెట్టడ‌మే మేలు.

ఉదాహ‌ర‌ణ‌కు సిగ‌రెట్ తాగ‌టం, పాన్ న‌మ‌ల‌టం, మ‌ద్యం తాగ‌టం వంటి అలవాట్లు ఉన్నవారు ఈ సంగ‌తి గుర్తు పెట్టుకోవాలి. ఏమ‌వుతుందిలే అన్న నిర్లక్ష్యం, అడిగే వాళ్లెవ‌రు అన్న అహంకారం, నా అల‌వాట్లు.. నా ఇష్టం...వంటి ఆలోచ‌న‌ల‌తో కొంద‌రు ఇంట్లోనే ఈ ప‌నులు కానిస్తుంటారు. దీని వ‌ల్ల పిల్లల‌పై వీటి ప్రభావం ఉంటుంది. తండ్రి సిగ‌రెట్ తాగుతుంటే, కొడుకు కూడా దీన్నిఇనిస్పిరేష‌న్ గా తీసుకొనే అవకాశం ఉంటుంది. పేరంట్స్ మ‌ద్యం తాగితే దాన్ని చూసిన పిల్లలు కూడా ఈ అల‌వాటు వైపు మొగ్గే చాన్స్ ఉంది. అంతిమంగా దీని వ‌ల్ల పిల్లల్లో కూడా ఈ అల‌వాటు మొద‌లైపోతుంది.

పైగా సిగ‌రెట్ వంటి అల‌వాట్లలో పాసివ్ స్మోకింగ్ ముఖ్యం. పొగ తాగే వారికి ఎంత చేటు ఉంటుందో, ప‌క్కనే ఉండి ఆ పొగ ను పీల్చే వారికి అంతే ఇబ్బంది ఉంటుంది. ఈ సంగ‌తి తెలిసో, తెలియ‌కో చాలామంది ఇంట్లోనే ద‌ర్జాగా సిగ‌రెట్లు ఊదేస్తుంటారు. దీంతో కుటుంబ సభ్యుల‌కు కూడా క్యాన్సర్ వంటి రోగాల్ని తెచ్చిపెడుతుంటారు.

మ‌ద్యపానం విష‌యంలో కుటుంబ స‌భ్యుల‌పై ప్రభావం క‌చ్చితంగా ఉంటుంద‌ని స‌ర్వేలు చెబుతున్నాయి. మద్యం తాగుతుంటే చూసిన పిల్లలు.. ఆస‌క్తి కొద్దీ అటువైపు మొగ్గు చూపుతారు. త‌ర్వాత కాలంలో పూర్తిగా మ‌ద్యానికి అల‌వాటు ప‌డిపోతారు. చిన్న వ‌య‌స్సులోనే మ‌ద్యానికి అల‌వాటు ప‌డిన యువ‌త‌లో చాలా వ‌ర‌కు ఇటువంటి కేసులే ఎక్కువ‌. ఇక్కడ ఒక విష‌యం గ‌మ‌నించాలి. కేవ‌లం త‌ల్లితండ్రులు మ‌ద్యం తాగుతుంటేనే .. పిల్లలు చూసి నేర్చుకొంటారు అనుకొంటే పొర‌పాటే. చుట్టు ప‌క్కల అయినా పెద్దలు క‌లిపి మందు కొడుతుంటే కావ‌ల్సినంత ఇనిస్పిరేష‌న్ దొర‌కుతుంది అందుకే, సినిమాల్లో మ‌ద్యం తాగ‌టం, సిగ‌రెట్ తాగటం వంటి సీన్ లు పెట్టవ‌ద్దని ఆరోగ్యవేత్తలు మొత్తుకొంటున్నారు. లేదంటే అక్కడ ఒక హెచ్చరిక ను క్యాప్షన్ గా వేయ‌మ‌ని కూడా చెబుతున్నారు. సో, అదండీ..పిల్లలు చూడ‌కూడ‌ని దృశ్యాలు ఇవి కాబ‌ట్టి జాగ్రత్త తీసుకోవటం పెద్దల వంతు..!

ప్రత్యేక వాదానికి అస‌లు మూలం ఇక్కడ ఉంది...!


ప్రత్యేక వాద‌న అంటే ఏమిటి... అస‌లు ఈ ప్రత్యేక వైఖ‌రి ఎలా పుడుతుంది.. ప్రత్యేకంగా ఉండాల‌న్న ఆలోచ‌న ఎలా మొగ్గ తొడుగుతుంది... ఇటువంటి విష‌యాల్ని ఆలోచిస్తే భ‌లే గ‌మ్మతైన జ‌వాబు దొర‌కుతుంది. ఆలోచ‌న‌లే మ‌నిషిని న‌డిపిస్తాయ‌న‌టంలో ఎటువంటి సందేహం లేదు.  ఈ ఆలోచ‌న‌లు మొగ్గ తొడిగే క్రమంలో అస‌లు ప‌రిణామాలు చోటు చేసుకొంటాయి. న‌లుగురిలో ప్రత్యేకంగా ఉండాల‌ని, జీవితంలో దూసుకు పోవాల‌న్న ఆలోచ‌న‌.. ఇప్పటి త‌రానికి బాగా పెరిగిపోయింది. కెరీర్ లో టార్గెట్లు, వ్యక్తిగ‌త జీవితంలో బడా ఆలోచ‌న‌లు, ... వీటి నుంచి ఎదుర‌య్యే ఒత్తిళ్లతో జీవితం సంక్లిష్టంగా మారిపోతోంది. ఈ ఒత్తిళ్లతో స‌క‌ల అనారోగ్యాలు కొని తెచ్చుకోవ‌టం అవుతోంది.

ఒత్తిళ్ల స‌మ‌యంలో శ‌రీరంలో ఆక్సిడెంట్స్ పుట్టుకొని వ‌స్తుంటాయి. ఆహారపు అల‌వాట్లు స‌రిగ్గా లేక‌పోవ‌టం, కాలుష్యం పెరిగిపోవ‌టం, ఫిట్ నెస్ లోపించ‌టం వంటి స‌మ‌స్యలు తోడ‌వ‌టంతో ఈ ఆక్సిడెంట్స్ చెల‌రేగిపోతాయి. ఈ ఒత్తిళ్లతో ఆక్సిడెంట్స్ కు ప‌ట్ట ప‌గ్గాలు లేకుండా పోతాయి. దీంతో శ‌రీరంలో నిస్త్రాణ‌త పెరిగిపోవ‌టంతో రోగ నిరోధ‌క శ‌క్తి త‌గ్గిపోతుంది. దీంతో వ్యాధులు ఎక్కువ‌గా అచ్చే అవ‌కాశం ఏర్పడుతుంది. అంతిమంగా అనేక దీర్ఘకాలిక రోగాలకు నిల‌యంగా మారిపోవాల్సి ఉంటుంది.
ప్రత్యేకంగా క‌నిపించాల‌న్న త‌ప‌న‌లో ఒత్తిడికి లోనై, అంతిమంగా అనారోగ్యానికి కేరాఫ్ అడ్రస్ గా మారాల్సి వస్తోంది. ఈ ప‌రిస్థితికి శ‌రీరంలోనే ప‌రిష్కారం ఉంది. ఆక్సిడెంట్స్ ను నిర్మూలించే యాంటీ ఆక్సిడెంట్ ల‌ను త‌యారు చేసుకొనే శ‌క్తి శ‌రీరానికి ఉంది. ఎటొచ్చీ మ‌నం ఆ ప‌ని చేసుకొనేట్లుగా శ‌రీరానికి అవ‌కాశం క‌ల్పించాలి. ప‌చ్చటి ఆకుకూరలు, తాజా పండ్లతో శ‌రీరంలో ఇటువంటి యాంటీ ఆక్సిడెంట్స్ త‌యారు అవుతాయి. టీ కాఫీల‌కు బ‌దులు గ్రీన్ టీ తీసుకొంటే ఈ ప‌ని సులువు అవుతుంది. శ‌రీరానికి వ్యాయామం లేకుండా, కేవ‌లం మెద‌డుకి విప‌రీతంగా పని కల్పించ‌టం తో ఆక్సిడెంట్స్ త‌యార‌వుతున్నాయని శాస్త్రీయంగా తేలింది. దీనికి విరుగుడుగా శ‌రీరానికి వ్యాయామం క‌ల్పించి, మెద‌డుకి కాస్తంత ఆహ్లాదం క‌ల్పించ‌టంతో ప‌రిష్కారం దొర‌కుతుంది.

 క్రమం త‌ప్పకుండా వ్యాయామం చేయ‌టం, ఆనందంగా ఉండేందుకు ప్రయ‌త్నించ‌టం ద్వారా యాంటీ ఆక్సిడెంట్లను సృష్టించుకోవ‌చ్చు. అప్పుడు కెరీర్‌లోనూ, ప‌ర్సన‌ల్ లైఫ్ లోనూ దూసుకెళ్లేందుకు వీల‌వుతుంది. స‌మాజంలో ప్రత్యేక‌త‌ను హాయిగా సంపాదించుకోవ‌చ్చు.