చిన్న పిల్ల‌ల్లో ఈ ల‌క్ష‌ణాలు క‌నిపిస్తే జాగ్ర‌త్త ప‌డండి..!

చిన్న పిల్ల‌ల్లో త‌రుచూ క‌డుపు నొప్పి అంటూ ఉంటే కాస్త ఆలోచించాల్సిందే. ముఖ్యంగా కోస్తా ప్రాంతంలో ఉండే ఉప్పు నీటి గాలి త‌గిలే స‌ముద్ర తీర ప్రాంతాల్లో ట్రాపిక‌ల్  పాన్ క్రియాటైటిస్ అనే వ్యాధిని గ‌మ‌నించ‌డం జ‌రుగుతోంది.

శ‌రీరంలో జీర్ణ క్రియ‌కు స‌హ‌క‌రించే ఎంజైమ్ ల‌ను స్ర‌వించే పాన్ క్రియాటైటిస్ లో అడ్డంకి ఏర్ప‌డితే దాన్ని పాన్ క్రియాటైటిస్ గా అభివ‌ర్ణిస్తారు. ఇది ఎక్యూట్ పాన్ క్రియాటైటిస్ అని, క్రానిక్ పాన్ క్రియాటైటిస్ అని రెండు ర‌కాలు. సాగ‌ర ప్రాంతంలో ఉండే చిన్నారుల్లో ప్ర‌త్యేక ర‌క‌మైన పాన్ క్రియాటైటిస్ బ‌య‌ట ప‌డుతుంటుంది. తీవ్ర‌మైన నొప్పి దీని ప్రాథ‌మిక ల‌క్ష‌ణం అనుకోవ‌చ్చు. దీంతో పాటు జీర్ణంలో ఇబ్బంది, విరోచ‌నంలో ఇబ్బందిని గ‌మ‌నించ‌వ‌చ్చు. వాతావ‌ర‌ణ ప‌రిస్థితులు, పుట్టుక‌తో వ‌చ్చే లోపాలు దీనికి కార‌ణంగా చెప్ప‌వ‌చ్చు. వైద్య ప‌రీక్ష‌ల‌తో దీన్ని నిర్ధారిస్తారు. ముందుగానే దీన్ని గ‌మ‌నిస్తే చికిత్స సుల‌భం అవుతుంది. స‌ర్జిక‌ల్ విధానాల‌తో చిన్నారుల‌కు స‌మ‌స్య‌ను ప‌రిష్క‌రిస్తే వాళ్లు పెద్ద వార‌య్యాక కూడా ఇబ్బంది లేకుండా జీవించ‌టం సాధ్యం అవుతుంది. అందుచేత ఈ ల‌క్ష‌ణాలు ఉంటే, ముఖ్యంగా కోస్తా తీర ప్రాంతంలోని చిన్నారుల్లో ఈ ల‌క్ష‌ణాలు ఉంటే ముందుగానే వైద్యుల్ని సంప్ర‌దించాలి.