ఇప్పుడు చ‌ర్చ బ‌స్ స్టాప్ వైపు మ‌ళ్లింది. బ‌స్ స్టాప్ అంటే అంద‌రికీ తెలిసిందే. బ‌స్ లు అక్కడ ఆగుతాయి కాబ‌ట్టి వాటిలో ప్రయాణం చేయ‌ద‌ల‌చుకొన్న వారు అక్కడ వేచి ఉంటారు. అందుచేత బ‌స్ స్టాప్ అంటే జ‌నం కొంత సేపు వేచి ఉండే ప్రదేశం గా రూఢి అయింది. అటువంటి చోట ఎటువంటివి చూపించాలి అనేదానిపై వివాదం ఉండ‌వ‌చ్చు గాక, కానీ ఇప్పుడు ఆరోగ్యాన్ని కాపాడుకోవ‌టం పై ప్రచారం చేయ‌టం స‌రైన‌దే అనుకోవాలి.
ఈమ‌ధ్య వ్యక్తిగ‌త శుభ్రత మీద ప్రచారం జ‌రుగుతోంది. ముఖ్యంగా చేతులు శుభ్రం చేసుకోవ‌టం మీద అవ‌గాహ‌న క‌ల్పించేందుకు ప్రయ‌త్నిస్తున్నారు. హ్యాండ్స్ వాష్ అన్నది ప్రపంచ వ్యాప్తంగా గుర్తింపు పొందిన ప్రచారాంశం. భోజ‌నం చేసే ముందు, టాయ్ లెట్ కి వెళ్లి వ‌చ్చాక ముఖ్యంగా చేతులు శుభ్రం చేసుకోవ‌టం ముఖ్యం. గోరువెచ్చని నీటితో స‌బ్బు ఉప‌యోగించి చేతులు శుభ్రం చేసుకోవాలి. దీని వల్ల వేలాది క్రిముల్ని నివారించిన వాళ్లం అవుతాం. చాలా వ‌ర‌కు జీర్ణ కోశ వ్యాధులు ఈ రూపంలో ప్రవేశిస్తాయ‌ని తెలుస్తోంది. హెప‌టైటిస్ ఏ, ఈ వంటి ర‌కాల వ్యాప్తికి ఇటువంటి క్రిములే కార‌ణం అవుతాయి. అంటు వ్యాధుల నివార‌ణ‌లో ఈ శుభ్రత చాలా ముఖ్యం.
ఇంత ముఖ్యమైన అంశాన్ని బ‌స్ స్టాప్ ల్లో హోర్డింగ్ లు, పోస్టర్ ల రూపంలో ప్రచారం చేయ‌టం మంచిదే. ఇటువంటి ప్రచారం వల్ల ప్రజ‌ల‌కు అనేక విష‌యాలు తెలిసి వ‌స్తాయి. అందుచేత బ‌స్ స్టాప్ లో అలా చూపించ‌టం స‌రైన‌దే అనుకోవ‌చ్చు.
its ok
ReplyDelete