"ఢమరుకం" లో అంత సీన్ ఉందా..?

ఢ‌మ‌రుకం గురించి విన్నప్పుడు భ‌లే ఆశ్చర్యం వేస్తుంది. ఇంత‌టి శ‌క్తి మంత‌మైన‌దా అనిపిస్తుంది కూడా..! అస‌లు డ‌మ‌రుకం అన్న ప‌ద‌మే చ‌క్కటి ఉత్సాహ‌క‌రంగా ఉంటుంది. శ‌క్తి సామ‌ర్థ్యాల‌కు గుర్తుగా దీన్ని జ్ఞప్తికి ఉంచుకోవ‌చ్చును. ఎందుకంటే శ‌క్తినంత‌టినీ ఒక్క చోట‌కు చేర్చితే త‌ప్ప  ఢ‌మ‌రుకం ప్రజ్ఞ మ‌న‌కు అర్థం కాదు. శ‌రీరంలో కూడా ఇదే ప‌రిస్థితి క‌నిపిస్తుంది. శ‌రీరంలో డ‌మ‌రుకం అని చెప్పదగిన కాలేయానికి ఉన్న శ‌క్తి అంతా ఇంతా కాదు. ఎందుచేత‌నంటే శ‌క్తిని సంశ్లేషించి, శ‌రీర బాగాల‌కు అందించ‌టంలో ఇది చాలా ప్రధానం. ఇక్కడ నుంచి అనేక భాగాల‌కు శ‌క్తి నేరుగా అందించ‌టానికి వీల‌వుతుంది. అంతేగాకుండా నిల్వ శ‌క్తి కార‌కాల్ని కూడా రూపొందిస్తుంది. అవ‌స‌రమైన‌ప్పుడు ఒక్కసారిగా శ‌క్తి వివిధ రూపాల్లో అందించ గ‌లుగుతుంది కాబ‌ట్టే కాలేయాన్ని డ‌మ‌రుకంతో పోలుస్తారు. 

మాన‌వ శ‌రీరంలో కాలేయం ఒక ప్రధాన‌మైన గ్రంథి. ఆహారంలోని ముఖ్య ప‌దార్థాల సంశ్లేష‌ణ‌లో కీల‌క పాత్ర పోషించును. ఇది అతి బ‌రువైన గ్రంథిగా పేరు తెచ్చుకొంది. దీనికి ఉన్న మ‌రో విశేషం ఏమిటంటే.. శ‌రీరంలోప‌లి అవ‌యవాల్లో కాలేయం మాత్రం పున‌రుజ్జీవం (రీజ‌న‌రేష‌న్) పొందే శ‌క్తిని క‌లిగి ఉంటుంది. దాదాపు నాలుగో వంతు కాలేయానికి కూడా పూర్తిగా పున‌ర్ నిర్మించుకోగ‌ల స‌త్తా ఉంటుంది. కాలేయ క‌ణాలు మ‌ళ్లీ క‌ణ‌చ‌క్రం లోకి ప్రవేశించ‌టం ద్వారా ఇది సాధ్యం అవుతుంది. అందుచేత‌నే కాలేయం పాడైన‌ప్పుడు స‌రైన వైద్యుల ద‌గ్గర చికిత్స తీసుకోవాలి. అప్పుడు సక్రమ‌మైన ప‌ద్దతిలో శ‌స్త్ర చికిత్స చేయించటానికి వీల‌వుతుంది. దీని ఫ‌లితంగా కాలేయం నుంచి పూర్తి శాతం ప‌నిత‌నాన్ని ఆశించ‌గ‌లుగుతాం. శ‌రీరానికి కావ‌లిసిన శ‌క్తిని అందించ‌గ‌లుగుతుంది. డ‌మ‌రుకం మాదిరిగా ఒక్కసారిగా ప‌ని త‌నాన్ని చూప‌గలుగుతుంది. కాలేయం కు మాత్రమే ఉన్న ఈ అద్భుత శ‌క్తి గురించి తెలుసుకొంటే మాత్రం భ‌లే ఆశ్చర్యంగా ఉంటుంది క‌దా..!