...

SPECIALIZED SITE FOR HUMAN HEALTH CARE,
SPECIALLY ON GASTROENTEROLOGY, LIVER AND PANCREAS

చిన్న చిన్న ప‌నులు మ‌రిచిపోకండి..

చిన్న ప‌నుల్ని నిర్ల‌క్ష్యం చేయ‌టం చాలా మంది పెద్ద వాళ్ల లో కూడా చూస్తుంటాం. టైమ్ స‌రిపోక, శ్ర‌ద్ధ పెట్ట‌క అలా ప‌నుల్ని వ‌దిలేస్తుంటాం. ఇటువంటి ప‌నుల్లో గోళ్ల‌ను క‌త్తిరించుకోవ‌టం, శుభ్ర ప‌ర‌చుకోవ‌టం ఒక‌టి. అందునా ఈ శీతాకాలంలో వేగంగా గోళ్లు పెరుగుతుంటాయి. పైగా వీటి మూల‌ల్లోకి నీరు మార్పిడి స‌మ‌స్య ఉంటుంది కాబ‌ట్టి తేలిగ్గా క్రిములు సెటిల్ అవుతుంటాయి కూడా. అందుకే ఈ సీజ‌న్ లోగోళ్ల సంగ‌తి త‌ప్ప‌కుండా ప‌ట్టించుకోవాలి.
గోళ్ల తో లాభం ఏమిటి అని పెద్ద గా ఆలోచించుకోనవ‌స‌రం లేదు. వేళ్ల చివ‌రి భాగాల‌కు ర‌క్ష‌ణ ఇవ్వ‌ట‌మే వీటి ప‌ని. మ‌హా అయితే చిన్న చిన్న వాటిని ప‌ట్టుకోవ‌టానికి కాస్త స‌హ‌క‌రిస్తాయి. అంతే క‌దా అని వ‌దిలేస్తే మాత్రం చికాకు త‌ప్ప‌దు. ఎందుకంటే వీటి మూల‌ల్లో క్రిములు మ‌కాం పెట్ట‌డానికి చాలా అవ‌కాశం ఉంటుంది. అందుక‌ని ఎప్ప‌టిక‌ప్పుడు గోళ్ల ను క‌త్తిరించుకొంటే ప‌ఱ్వాలేదు. లేదంటే అన‌వ‌సరంగా క్రిముల్ని పెంచి పోషించి ఆ త‌ర్వాత అవి తెచ్చి పెట్టే రోగాల‌కు బ‌లి కావ‌ల‌సి ఉంటుంది.

అంతే కాకుండా చేతుల్ని శుభ్రం చేసుకొనేటప్పుడు ఈ గోళ్ల‌కు సంబంధించిన మూల‌ల్ని శుభ్రం చేసుకోవాలి. అంటే చేతికి స‌బ్బు లేక హాండ్ వాష్ ప‌ట్టించాక వాటితో గోళ్ల చివరి భాగాల్ని కూడా తోము కోవాలి. అప్పుడే అక్క‌డ క్రిములు చేర‌కుండా జాగ్ర‌త్త ప‌డ‌వ‌చ్చు. అందుచేత గోళ్లే కదా అని వ‌దిలేయ‌కండి. చిన్న చిన్న ప‌నుల‌తో పెద్ద పెద్ద తంటాలు కొని తెచ్చుకోవ‌ద్దు.
చిన్న పిల్ల‌ల్లో (కొంద‌రు పెద్ద‌ల్లో సైతం) గోళ్ల‌ను కొరికే అల‌వాటు ఉంటుంది. దీన్ని మానిపించ‌టం త‌ప్ప‌నిస‌రి. ఎందుకంటే గోళ్ల‌ను బ‌య‌ట ఉండే ఎముక బాగాలుగా చెప్ప‌వ‌చ్చు. వీటిని ఆశ్ర‌యించుకొని ఉండే ప్ర‌త్యేక ర‌క‌ములైన క్రిముల‌కు శ‌రీరంలో చోటు ఇచ్చిన‌ట్లు అవుతుంది.

No comments:

Post a Comment