ప్రవాస భార‌తీయుల కుటుంబాల్లో త‌ర‌చు వ‌స్తున్న స‌మ‌స్యలు..!

ప్రవాస భార‌తీయుల కుటుంబాల్లో అక్కడి ఆహార‌పు అల‌వాట్ల కార‌ణంగా కొన్ని స‌మ‌స్యలు ఎదుర‌వుతుంటాయి. ఇటువంటి స‌మ‌స్యలు ఇక్కడ పెద్దగా క‌నిపించ‌క పోయినా విదేశీ గ‌డ్డ మీద ఎక్కువ‌గా చూడ‌గ‌లుగుతాం. పేగుకి సంబంధించినంత వ‌ర‌కు అల్సరేటివ్ కొలిటిస్‌, కౌన్స్ డిసీజ్ ను ఎక్కువ‌గా గ‌మ‌నించ‌గ‌లుగుతాం. మొద‌టగా అల్సరేటివ్ కొలిటిస్ గురించి చూద్దాం. దీనికి నిర్దిష్టమైన కార‌ణం లేక‌పోయినా ఆహార‌పు అల‌వాట్లు ప్రభావితం చేస్తాయని చెప్పవ‌చ్చు. దీనికి మానసిక ఒత్తిడి తోడైతే స‌మ‌స్య తీవ్రత ఎక్కువ‌గా ఉంటుంది. అన్ని వ‌య‌స్సుల వారికి ఈ వ్యాధి వ‌స్తున్నప్పటికీ ముఖ్యంగా 15 నుంచి 30 సంవ‌త్సరాల మ‌ధ్య వ‌య‌స్సు వారిలో ఇది తీవ్రంగా ఉంటుంది. క‌డుపులో ఒక్కసారిగా నొప్పి మొద‌లై చెల‌రేగిపోతుంది. క‌డుపులో శ‌బ్దాలు రావ‌టం ద్వారా గుర్తించ‌వ‌చ్చు. మ‌లంలో ర‌క్తం, చీము ప‌డుతుండ‌వ‌చ్చు. దీనికి డ‌యేరియా కూడా తోడు కావ‌చ్చును. బ‌రువు త‌గ్గటం,పిల్లల్లో ఎదుగుద‌ల లోపించ‌టం వంటివి గ‌మ‌నించ‌ద‌గును. నీరు ఎక్కువ తాగ‌టం, బ‌ల‌వ‌ర్థక‌ ప‌దార్థాలు తీసుకోవ‌టం, జంక్ ఫుడ్ కు దూరంగా ఉండ‌టం వంటి జాగ్రత్తల‌తో ఈ ప్రమాదాన్ని నివారించ‌వ‌చ్చు.
ఇక క్రోన్స్ డిసీజ్ విష‌యం చూస్తే.. ఇది ఆహార వాహిక‌లో ఎక్కడైనా త‌లెత్తవ‌చ్చు. శ‌రీరంలో వ్యాధి నిరోధ‌క శ‌క్తి త‌గ్గిన‌ప్పుడు, ఆహార‌పు అల‌వాట్లలో తేడా తోడైన‌ప్పుడు దీన్ని గ‌మ‌నించ‌వ‌చ్చు. పేగుల్లో ఎక్కువ‌గా దీన్ని చెప్పద‌గును.  అన్ని వ‌య‌స్సుల వారిలో ఇది క‌నిపించినా ముఖ్యంగా 15 నుంచి 35 సంవ‌త్సరాల వ‌య‌స్సు వారికి ఎక్కువ‌గా ఈ వ్యాధి క‌నిపిస్తుంది. క‌డుపు నొప్పి తీవ్రంగా ఉండ‌టం ప్రధాన ల‌క్షణం. దీంతో పాటు జ్వరం, ఆక‌లి త‌గ్గటం, టాయ్ లెట్ కు వెళ్లినప్పుడు నొప్పి రావ‌టం, బ‌రువు త‌గ్గటం వంటి ల‌క్షణాలు క‌నిపిస్తాయి. నీరు ఎక్కువ తాగ‌టం, బ‌ల‌వ‌ర్థక‌ ప‌దార్థాలు తీసుకోవ‌టం, జంక్ ఫుడ్ కు దూరంగా ఉండ‌టం వంటి జాగ్రత్తల‌తో ఈ ప్రమాదాన్ని నివారించ‌వ‌చ్చు.