పెళ్లికి హాజ‌రైతే ఈ విష‌యం మ‌రిచిపోకండి..!

ఈ మూడు రోజులు వ‌రుస పెళ్లిళ్లు కావ‌టంతో రాష్ట్రమంతా సంద‌డి నెల‌కొంది. స‌న్నిహితులు, స్నేహితులు, బంధువుల ఇంట్లో పెళ్లి జ‌రిగితే వెళ్లక త‌ప్పని పరిస్థితి. పెళ్లికి హాజ‌రు అయితే అక్కడ విందు భోజ‌నం చేయాల్సి ఉంటుంది. అటువంట‌ప్పుడు కొంచెం జాగ్రత్త తీసుకోవ‌టం మేలు.

పెళ్లి లో సామూహిక భోజ‌నాలు చేసేట‌ప్పుడు ర‌క ర‌కాల కూర‌ల‌తో భోజ‌నం త‌యారు చేస్తారు. తెలిసిన వారి ఫంక్షన్లు క‌దా అని చెప్పి ఒకే రోజు నాలుగైదు కార్యక్రమాల‌కు వెళ్లాల్సి ఉంటుంది. అటువంట‌ప్పుడు మొహ‌మాటానికి పోయి ప్రతీ చోట ఫుడ్ తీసుకోవ‌టం మంచిది కాదు. ఒకటి, రెండు సార్లు విందు భోజ‌నం భారీగా తినవ‌చ్చు కానీ, మూడు రోజుల పాటు వ‌రుస‌గా భారీ ఫుడ్ తిన‌టం స‌రికాదు. ముఖ్యంగా నాన్ వెజ్‌, ఆయిల్ ఫుడ్ ఎక్కువ‌గా తీసుకొంటే జీర్ణ కోశ ప‌రంగా స‌మ‌స్యలు ఎదుర్కోవాల్సి ఉంటుంది. అంతే గాకుండా సామూహిక భోజ‌నాల్లో శుభ్రత పాటించే చాన్స్ త‌క్కువ ఉంటుంది. ఈ విష‌యాన్ని కూడా దృష్టి లో ఉంచుకొని ఆరోగ్యాన్ని కాపాడుకొంటూ విందు, వినోదాల్ని సాగించ‌టం మేలు. ఇటీవ‌ల కాలంలో ఫంక్షన్ అంటే మ‌ద్యం త‌ప్పనిస‌రి అవుతోంది. ఫ్రెండ్స్ ముందు గొప్పలు పోయేందుకు పీక‌ల దాకా తాగేయ‌టం వ‌ల‌న అంతిమంగా ఆరోగ్యానికి న‌ష్టం అని గుర్తుంచుకోవాలి. ఫ్రెండ్స్ రెచ్చ గొట్టినా స‌రే, మ‌న లిమిట్ ఏమిటో మ‌నం తెలుసుకొని వ్యవ‌హ‌రించాలి.