విదేశాల్లో తెలుగు వారి ఇబ్బందుల‌కు ఇదేనా కార‌ణం..!

దేశ విదేశాల్లో తెలుగు వారు అనేక మంది ఉన్నారు. ఇప్పుడు ఖండాంత‌రాల్ని దాటి ఉద్యోగ‌, వ్యాపారాలు చేస్తున్నారు. దీంతో కుటుంబాల‌తో స‌హా అక్కడ ఉండాల్సి వ‌స్తోంది. ఈ క్రమంలో ఆరోగ్యం, ఆహారం విష‌యంలో కొన్ని ఇబ్బందులు ఏర్పడుతున్నట్లు గుర్తించారు.

ఇప్పటి దాకా మ‌న ప్రాంతానికి త‌గిన‌ట్లుగా ఆహార‌పు అల‌వాట్లు ఉంటాయి. అంటే ఉద‌యం బ్రేక్ ఫాస్ట్ గా ఇడ్లీ, దోశ వంటి టిఫిన్లు తీసుకొంటే మ‌ధ్యాహ్నం, రాత్రి స‌మ‌యాల్లో భోజ‌నం తిన‌టం అల‌వాటు. దీంతో ఏ స్థాయిలో కార్బొహైడ్రేట్లు, ప్రోటీన్లు, కొవ్వులు వంటివి అందుతాయో శ‌రీరానికి అల‌వాటు ప‌డి ఉంటుంది. కానీ విదేశాల‌కు వెళ్లాక అక్కడి స‌మయాల‌కు అనుగుణంగా ఆహార‌పు అల‌వాట్లను మార్చుకోవాల్సి ఉంటుంది. అమెరికా, బ్రిట‌న్, ఆస్ట్రేలియా వంటి దేశాల్లో మ‌న‌దేశపు ఆహారం భేషుగ్గా దొర‌కుతోంది. దీంతో కొన్ని రోజుల వ్యవ‌ధిలోనే ఒరిజిన‌ల్ అల‌వాట్లకు త‌గిన‌ట్లుగా ఆహారం తీసుకోగ‌లుగుతున్నారు. అన్ని ప్రాంతాల్లో ఇది సాధ్యం కాదు కాబట్టి అక్కడి ఆహారాన్ని తీసుకొనేట‌ప్పుడు క్యాల‌రీల రీత్యా ఆరోగ్యక‌ర‌మైన ఆహారం తీసుకోవాల్సి ఉంటుంది. దీని కార‌ణంగా ఆరోగ్యాన్ని కాపాడుకోవ‌చ్చు. లేదంటే ఆరోగ్య క‌ర‌మైన ఇబ్బందులు ఎదుర్కోవాల్సి వ‌స్తుంది.