జ్యూస్ తీసుకొనే ముందు ఈ సంగ‌తి గుర్తు పెట్టుకోండి..!

ఈ మ‌ధ్య కాలంలో ఫ్రూట్ జ్యూస్ తీసుకొన్నాక  కొన్ని ఆరోగ్య ప‌ర‌మైన స‌మ‌స్యలు వ‌చ్చిన‌ట్లు గుర్తించ‌టం జ‌రిగింది. వాస్తవానికి జ్యూస్ ఆరోగ్యానికి ఎంతో మంచిది క‌దా..మరి ఇటువంటి ఇబ్బంది ఎందుకు వ‌స్తోంది అన్న సంగ‌తి ఆరా తీస్తే ఒక ఆసక్తి క‌ర‌మైన విష‌యం బ‌య‌ట ప‌డింది.

ఫ్రూట్ జ్యూస్ కు ఆర్డర్ ఇచ్చాక అందులో ఏ ఏ కాంపొనెంట్స్ క‌లుపుతారో గ‌మ‌నించండి. అడిగిన ఫ్రూట్ ను తీసుకొని గ్రైండ్ చేస్తారు. త‌ర్వాత చ‌క్కెర లేదా సాల్ట్ కలుపుతారు. చ‌ల్లగా ఉంటుందంటూ ఐస్ క‌లుపుతారు. స‌రిగ్గా ఇక్కడే తేడా జ‌రిగిపోతోంది. పండు స‌హ‌జ‌సిద్దమైన ఆహారం. చ‌క్కెర ఎటూ ఫ్యాక్టరీ నుంచి వ‌చ్చిన‌దే. కానీ ఐస్ ను జ్యూస్ స్టాల్ య‌జ‌మాని బ‌య‌ట నుంచి తెప్పిస్తాడు. సాధార‌ణంగా ఈ ఐస్ ల త‌యారీకి కలుషిత నీటిని వాడుతున్నట్లు తెలుస్తోంది. పెద్ద ఎత్తున బ‌ల్క్ గా ఐస్ ను త‌యారుచేసే సంస్థలు స్థానికంగా దొరికే నీటిని వాడేస్తున్నారు. ఇందులో క‌లుషిత నీటిని వాడటంతో అందులోఉండే సూక్ష్మ క్రిములు ఈ ఐస్ లోకి సుర‌క్షితంగా చేరిపోతున్నాయి. పైగా కొన్ని ర‌కాల సూక్ష్మ క్రిములకు చ‌ల్లటి ప్రదేశంలో బాగా వ్రద్ది చెందుతాయి.దీంతో ఈ క్రిములు శ‌రీరంలోకి ప్రవేశించి వ్యాధుల్ని తెచ్చిపెడుతున్నాయి. అందుచేత జ్యూస్ లు తీసుకొనే ముందు సాధ్యమైనంత వ‌ర‌కు ఐస్ వ‌ద్దని చెప్పటం మేలు. మొహ‌మాటానికి పోయి అన‌ర్థం తెచ్చుకోవ‌టం మంచిది కాదు క‌దా..!